Türbət Bağırova Beynəlxalq Münasibətlərin Təhlili Mərkəzində mətbuat katibi vəzifəsində çalışır. Bakı Dövlət Universitetində Beynəlxalq Münasibətlər üzrə bakalavr, Azərbaycan Dillər Universitetində Amerikaşünaslıq üzrə magistr dərəcələri var. 2014-cü ildən Azərbaycan mediasında  - İctimai Televiziya, APA İnformasiya Agentliyi və CBC kanallarında çalışıb. Türbət Bağırova 2019-cu ildən 2024-cü ilədək Azərbaycan Televiziya və Radio Verilişləri QSC-nin “İctimai-siyasi proqramlar” departamentində redaktor çalışıb. Həmçinin, Azərbaycan Radiosu-105 FM-də ingilis dilində “Həftənin mənzərəsi” (Weekly Highlights) verilişinin aparıcısı olub.