Lalə Xəlilzadə Beynəlxalq Münasibətlərin Təhlili Mərkəzində (BMTM) aparıcı məsləhətçi vəzifəsində çalışır. Onun tədqiqat sahəsi ərəb ölkələri, xüsusən Yaxın Şərq regionu ölkələrinin daxili və xarici siyasətidir. Lalə Xəlilzadə Bakı Dövlət Universitetinin bakalavr və magistr  pillələrini fərqlənmə ilə bitirib.  Həmin universitetdə müəllim olaraq fəaliyyət göstərib. O, bundan əvvəl Səudiyyə Ərəbistanı Krallığının Azərbaycandakı səfirliyinin hərbi attaşelik aparatında təcrübə keçib.

Lalə Xəlilzadə ərəb mətbuatında dərc edilən çoxsaylı elmi və analitik məqalələrin müəllifidir. Eyni zamanda, ərəbdilli Vikipediya redaktorudur və ərəb dilində 1000-dən artıq məqalənin müəllifidir. Lalə Xəlilzadə “Yaxın Şərqdə erməni diasporu” kitabının müəllifi, Misirdə nəşr edilən "Şuşa və Gələcəyin Quruluş Trilogiyası: Coğrafiya, tarix və mədəniyyət" kitabının elmi redaktorudur.