BMTM-in aparıcı məsləhətçisi Fuad Abdullayev hesab edir ki, Ermənistanın müxtəlif siyasi qüvvələri, diaspor təşkilatları və qondarma rejimin keçmiş nümayəndələri Azərbaycanın suverenliyinə qarşı irredentist mövqelərini davam etdirməkdədirlər. Onlar beynəlxalq səviyyədə siyasi və hüquqi platformalar yaradaraq “Qarabağ məsələsi”ni yenidən gündəmə gətirməyə və Azərbaycanın ərazi bütövlüyünə kölgə salmağa cəhd edirlər. Xüsusilə 2025-ci ilin fevral ayında həmin fəaliyyətlərdə müəyyən fəallıq müşahidə edilməkdədir. Qeyd edək ki, heç bir beynəlxalq normalara söykənməyən və açıq şəkildə Azərbaycanın suveren ərazilərinə qarşı ərazi iddiaları ehtiva edən bu açıqlamalar təəssüflər olsun beynəlxalq ictimaiyyət arasında hələ də müəyyən dəstək görür.
