2025-ci il mayın 27-də Beynəlxalq Münasibətlərin Təhlili Mərkəzi (BMTM) ilə İtaliyanın Peruca Universitetinin nəzdində fəaliyyət göstərən ICEUSR Avrasiya Araşdırmaları və Tədqiqatları üzrə Beynəlxalq Mərkəzi arasında Anlaşma Memorandumu imzalanıb.

Bu memorandum hər iki institut arasında qarşılıqlı faydalı əməkdaşlığın inkişaf etdirilməsini, həmçinin beynəlxalq əhəmiyyət kəsb edən məsələlər üzrə biliklərin, elmi tədqiqat nəticələri və baxışların mübadiləsinin reallaşdırılmasını hədəfləyir.

Əməkdaşlığın əhatə etdiyi istiqamətlərə beynəlxalq münasibətlər, xarici siyasət, qlobal və regional təhlükəsizlik, eləcə də siyasi, iqtisadi və mədəni sahələrdə baş verən proseslər daxildir.