Könüllülük

BMTM daxili və xarici siyasət üzrə bir sıra layihələr, həmçinin gənclərin inkişafı istiqamətində bir sıra proqramlar irəli sürür Mərkəz cəmiyyətin inkişafına çalışan bu komandanın bir hissəsi olmaq və bu istiqamətdə biliklərə yiyələmək istəyənlər üçün bir çox imkanlar təklif edir

BMTM daxili və xarici siyasət üzrə bir sıra layihələr, həmçinin gənclərin inkişafı istiqamətində bir sıra proqramlar irəli sürür. Mərkəz cəmiyyətin inkişafına çalışan bu komandanın bir hissəsi olmaq və bu istiqamətdə biliklərə yiyələmək istəyənlər üçün bir çox imkanlar təklif edir.

Könüllülük təcrübəsi sayəsində BMTM  motivə olunmuş tələbələri və gənc peşəkarları faydalı layihələr, konfranslar, yüksək səviyyəli tədbirlər və inzibati işlər vasitəsi ilə mərkəzin iş mühitinə daxil olmaq imkanını təmin edir. Seçilmiş könüllülər tədbirlərin təşkilində mərkəzin əməkdaşları ilə sıx işləməli, konfranslar zamanı geniş inzibati və loqistik məsələlərdə o cümlədən qonaqların qarşılanması, istehsalat, təşkilatçılıq, daşınma, media ilə iş sahələrində yardım etməlidir. BMTM vasitəsi ilə könüllülər öz liderlik imkanlarını gücləndirmək və əmək bazarına inteqrasiyanı təmin etmək şansı əldə edəcəklər.

Tələblər:

  • Azərbaycan Respublikası vətəndaşı olan tələbələr və ya gənc mütəxəssislər müraciət edə bilər.

  • Azərbaycan və ingilis dillərini bilməlidir. Digər dillərin bilinməsi arzuolunandır.

  • Mükəmməl ünsiyyət bacarığına malik olmalı, proqramlarımıza güclü maraq göstərməli, dəyişkən saatlarda işləmək motivasiyasına sahib olmalı və maddi texniki və inzibati işlərin öhdəsindən gəlmək imkanına malik olmalıdır.

  • Elmi rəhbəri tərəfindən verilmiş iş və tapşırıqları yerinə yetirən zaman onlara riayət etməli və tolerant davranmalıdır, komandada işləmək və komanda işini müsbət istiqamətə yönəltmək bacarığına malik olmalıdır.

BMTM kütləvi informasiyalara,  rəylərə, yeniliklərə giriş əldə etmək, o cümlədən davamlı inkişaf naminə təhlillərin yazılması, müzakirələrin aparılması və proqnozların verilməsi üçün əlverişli platformadır. Bu məqsədlərin həyata keçirilməsi üçün güclü mexanizmin qurulmasında könüllülər böyük rol oynayır. Dəyərli əməkləri və dəyişməz öhdəliklərinə əsasən könüllüklər sertifikatla təmin olunacaq və tələb olunduğu halda maraqlanan qurumlara və iş verənlərə tövsiyə ediləcək. Əgər siz də bizim sülhyaratma və əməkdaşlıq sahələrindəki dəyərlərimizi bölüşən, ünsiyyət qurmağı bacaran gəncsinizsə, BMTM sizi bizimlə əlaqə yaratmağa dəvət edir.  




Digər xəbərlər

17 Yan 2020

Şotlandiyanın müstəqillik haqqında növbəti tələbi Birləşmiş Krallığa nə vəd edir?

Dekabrın 12-də Böyük Britaniyada keçirilən parlament seçkiləri Mühafizəkarların tarixi qələbəsi ilə başa çatsa da, Şotlandiyada mühafizəkarlar öz seçki platformasını müstəqillik və anti-Brekzit kampaniyası üzərində quran Şotlandiya Milli Partiyasına məğlub oldular.
5
16 Yan 2020

BMTM-in mütəxəssisi “EastMed” və "Türk axını" qaz kəmərlərinə dair təhlil hazırlayıb

Son zamanlar təməli qoyulan və həyata keçirilən bütün təbii qaz layihələri Avropa qaz bazarında enerji mənbələrinin və marşrutların diversifikasiyasına əhəmiyyətli töhfə verir.
9
16 Yan 2020

BMTM Təcrübə Proqramı üçün müraciətlərin qəbulunu elan edir

Beynəlxalq Münasibətlərin Təhlili Mərkəzi (BMTM) gənclərin ictimai-siyasi həyatda fəal iştirakını stimullaşdırılmaq, real iş həyatına atılmaq üçün lazım olan şəxsi və peşəkar bilik və vərdişlərə yiyələnmək məqsədi ilə istedadlı tələbələr və yeni məzunlar üçün ödənişsiz təcrübə proqramı elan edir.
20