Təqaüd

Beynəlxalq Münasibətlərin Təhlili Mərkəzinin Təqaüd Proqramı (ASAP) xarici tələbələr, ekspertlər, alimlər, akademiklər və qeyri-kommersiya təşkilatları ekspertlərinə təqaüd təklif edən bir proqramdır Proqram ildə bir dəfə təklif olunacaq

Beynəlxalq Münasibətlərin Təhlili Mərkəzinin Təqaüd Proqramı (ASAP) xarici tələbələr, ekspertlər, alimlər, akademiklər və qeyri-kommersiya təşkilatları ekspertlərinə təqaüd təklif edən bir proqramdır. Proqram ildə bir dəfə təklif olunacaq. Təqaüd Seçim Komitəsi, yerli universitetlər və AIDA proqramının birgə əməkdaşlığı çərçivəsində təqdim edilir. ASAP liderlik potensialına, güclü akademik özkeçmişə və gələcəklə bağlı güclü baxışa malik şəxslər üçün nəzərdə tutulur.

Təqaüdün əsas məqsədi Azərbaycan və ümumilikdə regional bağlı araşdırmaları artırmaqdır. Biz beynəlxalq sülh və təhlükəsizliyin gücləndirilməsinə, xüsusilə Ermənistan-Azərbaycan münaqişəsinə, Azərbaycanın suvrenliyinə qarşı xarici təhdidlərin aşkarlanmasına və onların qarşısının alınmasına dair yeni ideyaları dəstəkləyirik. Ölkənin xarici siyasətinin gücləndirilməsi, ölkələrlə, o cümlədən beynəlxlaq və çoxtərəfli təşkilatlarla, regional, qitələrarası və beynəlxalq səviyyədə diplomatik əlaqələr,  ölkənin beynəlxalq rolunun və nüfuzunun gücləndirilməsi, onun regional əhəmiyyətinin və çəkisinin artması təqaüd proqramının əsas hədəflərindəndir.

ASAP  beynəlxalq şəbəkələşməni genşləndirmək üçün unikal imkandır. BMTM bacarıqlı və ixtisaslı tələbələrə, peşəkar insanlara və akademiklərə təlim keçməklə  geniş akademik, peşəkar və mədəni təcrübələrə  çıxmaq imkanı yaradan açıq platformadır.  Bu platforma çərçivəsində ASAP alimlərə Azərbaycan irsini və tarixini öyrənmək, beynəlxalq siyasi məsələlərə dair müzakirələr aparmaq və düşüncə liderləri və ekspertlər ilə geniş akademik, mədəni və sosial tədbirlərdə birgə işləmək imkanı verən xüsusi tədbirlər proqramı təşkil edir. 

Müraciət ərizəsi qəbul olunmuş namizədlərə ilkin mərhələni keçmələrinə dair elektron məktub göndəriləcək. Sizdən BMTM tərəfindən müəyyən edilmiş yüksək davranış standartlarına və yerli ənənələrə və təlimatlara əməl etməyiniz xahiş olunur. Əcnəbi namizədlər təqaüd boyunca Azərbaycanda qalmalı, təqaüd müddəti bitdikdən sonra isə ölkələrinə qayıtmalıdır. ASAP təqaüdçülər və təcrübəçiləri ədaləti və şəffaf yollarla müəyyən etmək öhdəliyini daşıyır. Daha ətraflı məlumat əldə etmək və digər suallar üçün ASAP kordinatoru Fuad Çıraqovla əlaqə saxlamağınız xahiş olunur. fuad.chiragov@aircenter.az

 

Tələblər:

Öz ölkəsində Azərbaycanla bağlı məlumatları artıra artırma və qərar qəbul etmə, problemlərin həlli və liderlik bacarıqların üzrə akademik qabiliyyətləri təşviq etmə bacarığına malik bakalavr, magistr, doktorantlar və ya kiçik və orta səviyyəli mütəxəssislər.

ASAP aşağıdakı mövzuları təklif edir (Bu mövzular xüsusilə Azərbaycan Respublikasının xarici əlaqələri və daxili prioritetləri ilə bağlıdır):

  • Beynəlxalq əlaqələr
  • Siyasət
  • Tarix və mədəniyyət (Qafqaz regionu)
  • Konfliktologiya , Miqrasiya
  • İqtisadiyyat
  • Sülh, milli təhlükəsizlik və dövlət idarəçiliyi
  • Enerji təhlükəsizliyi
  • Dinşünaslıq

 

Uyğun namizədlər:

  • Ən azından bakalavr dərəcəsi üzrə ali təhsili olmalı, azı iki il iş stajına malik olmalıdır (buraya tam, yarım ştat, könüllük, ödənişli və ödənişsiz təcrübə işləri daxildir).
  • Əgər namizəd hazırda işləyirsə, ilk olaraq namizədliyini işlədiyi qurumun rəhbərliyi ilə müzakirə etməlidir. İş yerinin namizədi təqaüd proqramında iştirak üçün icazə verməzi namizədin öz məsuliyyətindədir.
  • İki tövsiyəçinin adı. Əgər namizədin ərizəsi növbəti mərhələyə keçərsə, tösviyəçilər aşağıda göstərilən elektron ünvana tövsiyə məktublarını yollamalıdırlar.
  • Ərizə və bütün sənədlər ingilis dilində yazılmalıdır.

 

Necə müraciət etməli:

Ərizə aşağıdakı sənədlərlə birlikdə göndərilməlidir:

  • Pasportun surəti
  • CV
  • Ali təhsillə bağlı bütün sənədlər (ingilis dilində notarial təsdiq edilmiş tərcüməsi ilə birlikdə
  • Ən azı iki tövsiyə məktubu
  • Araşdırma üzrə mövzu təklifi və izahlı məktub                 

Bütün tələb olunan sənədlər   fuad.chiragov@aircenter.az və ya info@aircenter.az  elektron ünvana göndərilməlidir.

 

Vacib məlumat

Ərizəyə baxılması üçün tələb olunan bütün sənədlər göndərilməlidir. Seçilmiş namizədlərə bununla bağlı məlumat veriləcək və onlar müsahibə mərhələsinə çağırılacaqlar. (canlı və ya veb-kamera vasitəsi ilə). Müsahibənin nəticəsi elektron poçt vasitəsi ilə göndəriləcək. Təqaüd proqramına müraciətlə bağlı son tarix yoxdur.

 

ASAP tam təqaüd təqdim edir və aşağı sadalanan xərcləri qarşılayır.

  • Gediş və dönüş bileti
  • Yaşayış yeri, qidalanma və nəqliyyatla bağlı gündəlik xərclər 



Digər xəbərlər

17 Yan 2020

Şotlandiyanın müstəqillik haqqında növbəti tələbi Birləşmiş Krallığa nə vəd edir?

Dekabrın 12-də Böyük Britaniyada keçirilən parlament seçkiləri Mühafizəkarların tarixi qələbəsi ilə başa çatsa da, Şotlandiyada mühafizəkarlar öz seçki platformasını müstəqillik və anti-Brekzit kampaniyası üzərində quran Şotlandiya Milli Partiyasına məğlub oldular.
5
16 Yan 2020

BMTM-in mütəxəssisi “EastMed” və "Türk axını" qaz kəmərlərinə dair təhlil hazırlayıb

Son zamanlar təməli qoyulan və həyata keçirilən bütün təbii qaz layihələri Avropa qaz bazarında enerji mənbələrinin və marşrutların diversifikasiyasına əhəmiyyətli töhfə verir.
9
16 Yan 2020

BMTM Təcrübə Proqramı üçün müraciətlərin qəbulunu elan edir

Beynəlxalq Münasibətlərin Təhlili Mərkəzi (BMTM) gənclərin ictimai-siyasi həyatda fəal iştirakını stimullaşdırılmaq, real iş həyatına atılmaq üçün lazım olan şəxsi və peşəkar bilik və vərdişlərə yiyələnmək məqsədi ilə istedadlı tələbələr və yeni məzunlar üçün ödənişsiz təcrübə proqramı elan edir.
20