Sədr

Fərid Şəfiyev

Sədr

Fərid Şəfiyev

Səfir, Beynəlxalq Münasibətlərin Təhlili Mərkəzinin idarə heyətinin sədri

Beynəlxalq Münasibətlərin Təhlili Mərkəzinin idarə heyətinin sədri Fərid Şəfiyev Bakı Dövlət Universitetində tarix və hüquq üzrə ali təhsil alıb. O, 2002-2003-cü illərdə ABŞ-ın Harvard Universitetinin Kennedi Dövlət Məktəbində dövlət idarəçiliyi üzrə magistr dərəcəsinə yiyələnib. Daha sonra Kanadanın Karlton Universitetində təhsil alaraq tarix üzrə elmlər doktoru dərəcəsi alıb.

Fərid Şəfiyev 1987-1989-cu illərdə hərbi xidmət keçib. Peşəkar karyerasına 1994-cü ildə Azərbaycan Milli Elmlər Akademiyasının Etnoqrafiya və Arxeologiya İnstitutunda başlayıb.

1996-cı ildən Xarici İşlər Nazirliyində işləməyə başlayıb. Xarici işlər Nazirliyində Hərbi-siyasi məsələlər və BMT ilə iş şöbələrində çalışıb.

Fərid Şəfiyev 1998-2001-ci illərdə Azərbaycanın BMT yanında daimi nümayəndəliyində, 2005-2009-cu illərdə Azərbaycanın Kanadadakı Səfirliyində işləyib. O, 2009-cu ildə Azərbaycanın Kanadadakı səfiri vəzifəsinə təyin olunub və 2014-cü ilin iyununa kimi bu vəzifəni icra edib. 2014-cü ildən 2019-cu ilin fevralına kimi Azərbaycanın Çexiyadakı səfiri olub.

2019-cu il fevralın 19-da Beynəlxalq Münasibətlərin Təhlili Mərkəzinin sədri təyin edilib.

Fərid Şəfiyev çoxsaylı məqalələrin, müstəqil şərhlərin (op-ed) və bir sıra akademik nəşrlərin, o cümlədən 2018-ci ildə McGill-Queen’s University Press tərəfindən nəşr olunmuş “Sərhəd bölgələrinin köçürülməsi: Cənubi Qafqazda məskunlaşma siyasəti və etnik münaqişə” adlı kitabın müəllifidir.

Fərid Şəfiyev hazırda ADA Universitetində Diplomatiya və Xarici Siyasət və Dağlıq Qarabağ Müqayisəli Perspektivdə fənlərini tədris edir.

Digər xəbərlər

31 Mar 2020

31 mart Azərbaycanlıların Soyqırımı Günüdür

31 mart Azərbaycanlıların Soyqırımı Günü ilə bağlı Beynəlxalq Münasibətlərin Təhlili Mərkəzinin açıqlaması:
78
30 Mar 2020

BMTM: Koronavirusun yayıldığı dövrdə işğalçı rejimin siyasi oyunlardan əl çəkməməsi insan həyatına etinasız münasibətin göstəricisidir

Martın 31-də Azərbaycanın işğal edilmiş ərazilərində keçirilməsi nəzərdə tutulan qondarma “seçkilər”lə bağlı Beynəlxalq Münasibətlərin Təhlili Mərkəzinin açıqlaması:
190
25 Mar 2020

Beynəlxalq Münasibətlərin Təhlili Mərkəzi Koronavirusla Mübarizəyə Dəstək Fonduna ianə ayırıb

Beynəlxalq Münasibətlərin Təhlili Mərkəzi Azərbaycan Respublikası Prezidentinin 2020-ci il 19 mart tarixli Fərmanına əsasən yaradılan Koronavirusla Mübarizəyə Dəstək Fonduna 9200 manat məbləğində vəsaitin ayrılması barədə qərar qəbul edib.
33